三狮雄姿初震俄罗斯

2018世界杯盘口 2018-06-26 03:10 阅读:332

英格兰在分组赛头2仗火力全开。 如果喺今届世界杯决赛周开幕前要估夺冠大热,相信英格兰呢个选项肯定唔会系最优选。继而分组赛首战仅能够绝杀星味不足嘅突尼西亚,亦令到外界相信三狮军团距离遭遇滑铁卢已经不远。但今届主打年轻人嘅英格兰却未有「如外界所愿」,分组赛次战面对神秘之师巴拿马,一场酣畅淋漓嘅6比1大捷彷佛向世界宣布,三狮军团要上位喇!

有时候,一班波里面有一位世界级球星真系一件幸福嘅事。随住夏利卡尼逐渐成长为当今世界球坛最优秀嘅其中一位射手后,英军攻击线喺今届世界杯就有咗一个可稳定依赖嘅绝对强点,而两轮分组攻入5波嘅成绩单则实在耀眼。与此同时,喺次轮分组赛面对巴拿马一役上演帽子戏法嘅夏利卡尼更加系三狮军团历史上第三位喺世界杯赛场上达到此成就嘅球员,比肩1966年嘅赫斯特和1986年嘅连尼加。虽然话就话踢波永远要靠场上11位球员一齐努力,但巨星嘅存在却可以令到球队喺场上有更多可能性。

英格兰能够喺今届世界杯分组赛提前一轮晋级,球队内部嘅和谐可谓系一个重要嘅推动力,而喺目前年轻人当道嘅英军当中,主帅修夫基所带嚟嘅凝聚力就确实不得不提。曾经喺英格兰U21带队数载嘅修夫基系目前唔少英军国脚成长路上嘅伯乐,因此此番喺成年队「相遇」,球员报恩之心有几强烈大家心照。而且修夫基用兵颇有独特见解,喺佢惯用嘅3-5-2阵式之下,踢惯边闸嘅基尔获加喺右中坚位置上愈发自如;而至关重要嘅两翼捷比亚和艾殊利杨格亦成功诠释何为进可攻退可守;加上史特宁、夏利卡尼和连加特呢三大攻击手喺进攻端呼应持续增多,因此军心高涨嘅英格兰喺对阵巴拿马嘅赛事中半场就以5球带前看似意料之外,实则情理之中。

不过虽然已经提前出线,但英格兰目前仍未能够确保分组头名出线,皆因同组最大对手比利时喺头2轮分组赛当中同样全取6分,双方喺末轮相遇就势必会系火星撞地球。不过连续击败突尼西亚和巴拿马之后,士气高涨嘅一众年轻英军如今毫无疑问想喺比利时身上证明自身成色,好似重新焕发第二春嘅艾殊利杨格就说道:「我从世界杯第一日开始就讲过,我们如今嘅团队非常团结,团结得不可思议,我们是一个团队,所有人渴望出场比赛,每个人都希望拿到球,无人会逃避。我们会继续努力工作,但我觉得呢个系好事情嘅开始。」

英格兰将喺礼拜五凌晨与比利时进行分组头名争夺战,三狮军团就已经准备好上位喇,各位波友亦不妨静待好戏上演。
版权声明
本文由2018世界杯盘口整理发布,转载请注明出自三狮雄姿初震俄罗斯https://www.glonly.com/fifa/24423.html