日职联保组七国咁乱

2018世界杯盘口 2018-10-22 15:03 阅读:190

长崎成功丸和磐田山叶喺本轮联赛中未能分出胜负。 嚟到季尾,日职联无论争冠定保组都一样好睇过戏,其中对比争冠嘅幸福烦恼,关乎生死嘅保组战显然更加残酷。

喺寻日结束嘅一场第30轮嘅日职联赛事中,目前均身处积分榜下游地带嘅长崎成功丸和磐田山叶经过90分钟嘅鏖战,最终激战成和各取1分。但对于如今保组形势愈发不利嘅两队嚟讲,一场和局显然系两败俱伤,远远未能够起到止渴嘅作用。

睇返目前日职联积分榜,30轮过后仅得29分嘅长崎成功丸继续坐稳联赛副班长之位,距离逃出生天起码仲有两场波嘅分差,加上喺自己争气嘅前提下,仲要寄望身前一众为生存而战嘅队伍失分,话佢哋已经半只脚入紧去来季日乙绝非危言耸听。不过与往年相比,今季需要担心降班安危嘅球队明显增多,从第11位嘅横滨水手到第17位嘅柏雷素尔,数支球队彼此间分差最多都未到两场波差距,可以讲,一场波嘅胜负可能就会决定你系生系死。

除咗个别球队尚有补赛之外,今季日职联仅余4轮,究竟边队最终可以逃出生天我哋一齐见证。
版权声明
本文由2018世界杯盘口整理发布,转载请注明出自日职联保组七国咁乱https://www.glonly.com/fifa/28214.html